I gcomhrá le Tadhg Mac Dhonnagáin

[[{"fid":"209425","view_mode":"default","fields":{"format":"default","alignment":"center","field_file_image_alt_text[und][0][value]":"Tadhg Mac Dhonnagáin Event","field_file_image_title_text[und][0][value]":"Tadhg Mac Dhonnagáin Event"},"type":"media","field_deltas":{"1":{"format":"default","alignment":"center","field_file_image_alt_text[und][0][value]":"Tadhg Mac Dhonnagáin Event","field_file_image_title_text[und][0][value]":"Tadhg Mac Dhonnagáin Event"}},"attributes":{"alt":"Tadhg Mac Dhonnagáin Event","title":"Tadhg Mac Dhonnagáin Event","class":"media-element file-default media-wysiwyg-align-center","data-delta":"1"}}]]

Reáchtáil Comhairle Contae Dhún Laoghaire-Ráth an Dúin ócáid den scoth saor in aisce trí Ghaeilge leis an t-údar, foilsitheoir agus ceoltóir iomráiteach Tadhg Mac Dhonnagáin agus an craoltóir agus scríbhneoir Cathal Póirtéir i Leabharlann an LexIcon Dé Luain seo caite an 23ú Bealtaine mar chuid d’fhéile Bealtaine 2022. Déanann Féile Bealtaine ceiliúradh ar na healaíona agus ar an gcruthaitheacht de réir mar a n-ímímid in aois.

Labhair an t-údar clúiteach Tadhg Mac Dhonnagáin leis an gcraoltóir agus scríbhneoir Cathal Póirtéir faoina chéad úrscéal ‘Madame Lazare’, a bhfuil an-rath ar fad air agus roinnt gradaim buaite aige go dtí seo:

• ‘Aitheantas speisialta’ faighte ag ‘Madame Lazare’ ag Gradam Liteartha an Aontais Eorpaigh, Aibreán, 2022
• Leabhar na Bliana ag Gradaim Leabhar An Post, 2021
• Gradam Liteartha Oireachtas na Gaeilge, 2020

Ba mhór an onóir é do Chomhairle Contae Dhún Laoghaire-Ráth an Dúin gur fhreastail Uachtarán Oireachtas na Gaeilge 2022, Máirín de Brún ar an ócáid agus gur chuir sí an ócáid, Tadhg agus Cathal i láthair don slua. Is cúis bhróid í dúinn go bhfuil cónaí ar Mháirín de Brún sa Chontae agus go ndéanann sí an-chuid oibre ar son an Chontae agus ar son theanga agus chultúr na Gaeilge.

Díoladh cóipeanna síníthe den leabhar ar ráta laghdaithe ar an lá freisin agus bhí tae beag ansin i ndiaidh na cainte agus tugadh deis don slua dul i mbun chomhrá le Tadhg faoina shaothar, saothar tábhachtach nuálach a bheidh go mór i litríocht na Gaeilge amach anseo. Mar a luaigh Uachtarán an Oireachtais, Máirín de Brún, ag deireadh na hócáide: “beatha teanga í a labhairt, ach buanú teanga í a scríobh”.

Ba mhaith le Comhairle Contae Dhún Laoghaire-Ráth an Dúin buíochas a ghabháil le Tadhg, Cathal, agus Máirín a chur ócáid iontach i láthair don slua chomh maith le Carmel Kelly (Leabharlannaí Sinsearach sa LexIcon), Siobhán Nic Gaoithín (Oifigeach Sinsearach Foirne sa Rannóg Forbartha Pobail agus Cultúir), agus Conchúr Ó Sé (Oifigeach Forbartha Gaeilge) a d’eagraigh an ócáid.

Míle buíochas chomh maith leis an ngrianghrafadóir, Peter Cavanagh as na pictiúir iontacha a ghlacadh ar an lá.